අද සිට වැසි තත්ත්වයේ වැඩිවීමක්

කාලගුණවිද්‍යා දෙපාර්තමේන්තුවට අනුව, සක්‍රීය නිරිතදිග මෝසම් කාලගුණ තත්ත්වයේ බලපෑම හේතුවෙන් අද (10) සිට දිවයිනේ නිරිත දිග කොටසේ වැසි තත්ත්වය වැඩි වීමක් බලාපොරොත්තු වන අතර, දිවයින වටා මුහුදු ප්‍රදේශවල තද සුළං හමා යා හැකිය. බස්නාහිර, සබරගමුව, මධ්‍යම, වයඹ පළාත් සහ ගාල්ල, මාතර දිස්ත්‍රික්කවල විටින් විට වැසි ඇතිවන අතර, ඇතැම් ප්‍රදේශවල මි.මී. 100ක් වැනි තද වැසි ලැබෙනු ඇත. උතුරු පළාතේ අනුරාධපුරය, හම්බන්තොට සහ ත්‍රිකුණාමලය දිස්ත්‍රික්කවලත් වැසි වාර කිහිපයක් බලාපොරොත්තු වේ. බදුල්ල, අම්පාර, මඩකළපුව වැනි ප්‍රදේශවල සවස් හෝ රාත්‍රී කාලයේදී ස්ථානීය වැසි හෝ ගිගුරුම් සහිත වැසි ඇතිවිය හැකිය. මධ්‍යම කඳුකරයේ බටහිර බැවුම්, උතුරු, උතුරු-මැද, වයඹ, දකුණු පළාත් සහ ත්‍රිකුණාමලය දිස්ත්‍රික්කයේ පැ.කි.මී. 50ක තද සුළං හමා යා හැකිය. ගිගුරුම් සහිත වැසි සමග ඇතිවිය හැකි තද සුළං, අකුණු සහ අනතුරු වලක්වා ගැනීමට ජනතාව අවධානයෙන් පසුවන ලෙස දෙපාර්තමේන්තුව අවවාද කරයි.